الجزء الحادي عشر

( العفش )




بعد ما كتبنا الكتاب حسيت بحريه اكتر

وبدأنا نخرج سوا علشان نختار العفش

اتصل بيا زوجي


زوجي : السلام عليكم

انا : وعليكم السلام ، ازيك يا حبيبي

( كلمة حبيبي دي بعد ما كانت مش عايزة تطلع بقى مفيش غيرها بتطلع دلوقتي هههههههههههههههه )

زوجي : الحمد لله ، ازيك انتي يا حبيبتي وحشتيني

انا : وانت كمان

زوجي : وانا كمان ايه؟

انا : وانت كمان وحشتني

زوجي : ايوة كده قولي وانت كمان وحشتيني

انا : حاضر

زوجي : انتي وراكِ حاجة النهاردة؟

انا : ايوة

زوجي : وراكِ ايه؟

انا : ورايا العيال لازم اوديهم المدرسة ههههههههههه

ههههههههههههه

زوجي : بتكلم بجد ، انا عايز اخدك ونروح نختار اوضة النوم والسفرة والأنتريه

انا : طبعا يا حبيبي فاضيه ، بس أستأذن من بابا الأول

زوجي : ماشي يا حبيبتي استأذني منه ، وانا هاجي اخدك بعد المغرب ، ماشي؟

انا : ماشي ان شاء الله

زوجي : سلامي لبابا وماما واخواتك

انا : الله يسلمك ، سلم لي على ماما

( كلمة ماما بدأت اقولها لحماتي بعد ما كتبت الكتاب والصراحة كان تأثيرها رائع جدا على حماتي )

زوجي : الله يسلمك ، هي كمان بتسلم عليكي

انا : الله يسلمها

زوجي : مش عايزة حاجة

انا : لأ شكرا

زوجي : لا إله إلا الله

انا : محمد رسول الله

وقفلت معاه ورحت استأذن من بابا

انا : بابا ممكن اخرج النهادرة مع زوجي ننقي العفش؟

بابا : النهاردة ؟

انا : ايوة

بابا : طيب خدي واحده من اخواتك معاكِ

ردت ماما عليه : متسيبهم يخرجوا مع بعض شويه هما مش كتبوا الكتاب

في سري قعدت اقول ( ربنا يخليكي ليا يا ماما يا حاسه بيا )

بابا : خلاص متتأخريش بره

انا : حاضر يا بابا

ماما : خدي بالك من نفسك

انا : حاضر

وقعدت اخد تعليمات من بابا وماما

زي متقعديش تضحكي معاه في الشارع ، اختاري حاجة شيك ... إلخ

بعد ما صليت المغرب جهزت نفسي واتأخر زوجي شويه

اتصلت بيه محدش بيرد

بدأت اقلق ياترى في إيه؟ يارب استر

واخيرا رد عليا


انا : ايوة يا حبيبي انت فين؟

زوجي : انا هنا اهو يا حبيبتي مالك ؟

انا : هنا فين؟ وإيه إلي أخرك كده؟

زوجي : يا حبيبتي انا كنت بصلي المغرب في الجامع جنبكوا وانتي بترني عليا ، ولسه خارج من الجامع دلوقتي

انا : طيب الحمد لله خضتني عليك

زوجي : للدرجة دي بتحبيني؟

انا : طبعا يا حبيبي يعني لو مكنتش أقلق عليك هقلق على مين يعني

زوجي : طيب يلا يا حبيبتي افتحي الباب علشان انا واقف بره

انا : حاضر ، يلا مع السلامه

وروحت فتحت الباب سلمت عليه ودخلنا الصالون ( عش الزوجيه المؤقت بتاعنا )

دخل بابا وسلم عليه وقعدوا شويه وروحت عملت شاي ليهم بناء على طلب بابا مني

قدمت الشاي وبعد ما خلصوا قمنا انا وزوجي علشان نخرج ونختار العفش

اتمشينا مع بعض وكنت في غاية السعادة وفرحانه جدا

وبقيت عايزة اقول لكل الناس ( يا عالم الراجل ده انا بحبه موووووووووووت )

هههههههه مجنونه انا عارفه

دخلنا اكتر من محل وفي الآخر رسينا على واحد عارض الموبليا خارج المحل وشكلها جميل جدا



دخلنا واتفرجنا على كتالوج اوض النوم لسنة 2010 يعني احدث حاجة

بدأت أختار انا وزوجي بس كنت مكسوفه جدا في الاول

علشان انا معرفش هو عامل حسابه على إيه

فأخترنا اوضة النوم دي



وبعدين شوفنا كتالوج الانتريهات

حاجات روووووووووووعة جدا

ورسينا في الآخر على ده



وبعدين شوفنا السفره وطبعا معاها النيش

اخترت دي



واتفق زوجي مع صاحب المحل على المبلغ الكلي وراح زوجي اداله مبلغ تحت الحساب

وقال صاحب المحل ان الحاجات دي هتخلص بعد 4 شهور ان شاء الله

بس بعد 4 شهور هيكون عدى سنة وشهر على خطوبتنا

حاول زوجي مع صاحب المحل لكن مفيش فايده

لأن عمل الحاجات دي بيحتاج وقت ومينفعش تكون قبل كده

مشينا من عند صاحب الموبليا وكملنا تمشيه وبعدين روحنا نختار قماش الانتريه

اخترت ده



واحنا في الطريق وقف زوجي عند محل ملابس حريمي


انا : انت وقفت ليه يا حبيبي؟

زوجي : ايه رايك في الطقم ده؟



انا : حلو ، يلا بقى نمشي

زوجي : يعني عجبك ؟

انا : ايوة عجبني ، هو فيه إيه ؟

اخدني ودخلنا المحل وقال للبنت ممكن تورينا الطقم ده

وجابته فعلا وقالي : يلا قسيه كده وشوفيه على قدك ولا لأ

انا فرحت جدا وقلت له : على قدي؟ هو ليا؟

زوجي : هو انا عندي كام دودي، يلا بقى روحي قيسيه

انا : ربنا يخليك ليا يا حبيبي

زوجي : ويخليكي ليا يا حبيبتي

كل ده والبنت واقفه بتتفرج علينا واحنا بنتكلم

اخدت الطقم وقسته طلع مضبوط عليا فعلا


واشتراه ليا بس انا قلت له : طيب الطقم ده بمناسبه ايه يا حبيبي؟

زوجي: مش لازم يكون في مناسبة ، الطقم ده عاجبني من فترة وشوفتك فيه وقلت لازم اشتريه ليكي

انا : ربنا يخليك ليا يا حبيبي

وبعدين روحنا على البيت وقعدنا مع بعض لحد الساعة 12 بالليل وطبعا اتعشينا وبعدين مشي

كانت الفترة دي مليانه مشاوير

بكمل الحاجات إلي نقصاني وهو كمان يا عيني كان رايح جاي على صاحب الموبليا ( العفش ) علشان يتطمن على ان العفش هيخلص في المعاد وبين الشقة إلي كانت محتاجه تضبيط

وكان زوجي متفق مع بابا ان الدخله هتكون بعد اربع شهور بالضبط

واتفق زوجي على القاعة

وبعدين روحت شوفتها



وقبل معاد الفرح بـ 5 ايام كان لازم .......


وكفاية عليكوا كده

بس كان لازم إيه؟
إقرأ المزيد Résuméabuiyad