الجزء العاشر
( مستلزمات العروس )
ومرت الايام وكان لازم اشوف شقتي علشان اقدر اشتري حاجات تناسبها
حماتي عزمتنا على الغدا يوم الجمعة وطبعا شقتي فوقها
روحنا العزومه واتغدينا
وبعدين خطيبي وحماتي اخدونا نتفرج على شقتي
عجبتني جدا ما شاء الله حلوة
وبعدها بدأت اجهز نفسي
فكل فترة انزل انا واخواتي نشتري حاجات للجهاز بتاعي
روحت اختار المطبخ
وطلبت يكون الوميتال
وبعدين بدأت اخلص باقي الحاجات زي:
حاجات النيش
حاجات المطبخ
المفروشات
السجاجيد
الاجهزة الكهربائية
خلال هذه الفترة كان خطيبي بيجي عندنا كل خميس
وفي هذه الفترة عرفته اكتر وفهمته اكتر ومرة من مرات
خطيبي : بقولك ايه احنا عايزين نكتب الكتاب
انا : ايه ده فجأة كده
خطيبي : ولا فجأة ولا حاجة بس علشان نقدر نخرج وندخل براحتنا ، انتي إيه رايك؟
انا : الصراحة معرفش ، انا أتفاجأت من الحكاية دي
خطيبي : بصي يا حبيبتي انا اديت لوالدك اتفاق انه سنة ونتجوز واحنا بقالنا 4 شهور مخطوبين وانا محتاجك الفترة الجاية
انا : طيب ما انا معاك اهو
خطيبي : انتي كل حياتي ، بس انا اقصد نخرج براحتنا ، ننقي العفش براحتنا مش في اوضه نوم وسفرة وكل ده مش عايز ذوقك الجميل معايا
انا : آه صحيح ، دا الحاجات دي كلها مينفعش نخرج لوحدنا فيها واحنا مخطوبين
خطيبي : طيب ما دا انا إلي بقوله نكتب الكتاب وفي اي وقت نروح ننقي حاجتنا ، قلتي ايه؟
انا : انا موافقه طبعا بس معرفش رأي بابا إيه ؟
خطيبي : طيب هسيبك تمهدي لوالدك وبعدين انا هكلمه
انا : طيب ما تكلمه انت على طول
خطيبي : مفيش مشاكل بس انا عايزك تعرفي رأيه ايه الاول كتمهيد يعني
انا : ربنا يسهل
خطيبي : يلا بقى خلينا نخرج مع بعض دا انا من اول ما خطبتك مخرجناش غير مرة واحده وكانت بالخناقه
انا : هههههههههه
خطيبي : يلا انا همشي بقى علشان أتأخرت
انا : بسرعة كده
خطيبي : اعمل ايه الوقت معاكِ بيعدي بسرعة لو عليا مش عايز امشي
انا : طيب خلاص خليك قاعد
خطيبي : معلشي بقى علشان بباكي ومامتك ميتضيقوش ، يلا مش عايزة حاجة
انا : آه عايزة
خطيبي : اؤمري
انا : خد بالك من نفسك
خطيبي : وانتي كمان خدي بالك من نفسك
انا : حاضر
خطيبي : لا إله إلا الله
انا : محمد رسول الله
ووصلته لحد باب البيت وبعدها روحت بسرعة فرحانه لبابا وماما واخواتي
انا : بابا خطيبي عايز يكتب الكتاب
بابا : تكتبوا الكتاب !وهو مكلمنيش ليه؟
انا : هو قال اشوف رأيك الاول وبعدين هيكلمك
بابا : ايوة بس في حاجات لازم نتفق عليها الاول
انا : زي ايه يا بابا؟
بابا : لازم نتفق على القايمه ( قائمة العفش ) والمؤخر
انا : خلاص يا بابا لما يجي اتفق معاه على كل حاجة
بابا : ماشي يا بنتي مفيش مشاكل ، خليه يجي ونتفق
انا : يجي دلوقتي ؟
لولو : دلوقتي ايه يا مجنونه الساعة واحده بليل
انا : خلاص خليها بكره ، ماشي يا بابا؟
بابا : ماشي يا وداد
مقدرتش استحمل لحد بكره علشان اقوله
قلت اديله رنه لو رن يبقى صاحي
انا : ترررررررررررن ( مش انا إلي بعمل كده دا الموبايل ههههههههه) وقفلت
مفيش رنه منه ، يا خسارة كان نفسي افرحه قبل ما ينام
وبعد شويه
خطيبي : تررررررررررررررررن
بيرن بيرن الحمد لله ، فتحت عليه بسرعة
انا : سلام عليكم
خطيبي: وعليكم السلام
انا: ازيك
خطيبي: الحمد لله ، ازيك انتِ
انا: الحمد لله ،انت كنت نايم ولا إيه؟
خطيبي : لا يا حبيبتي انا صاحي
انا : طيب بقولك ايه بابا عايزك بكره
خطيبي : بجد
انا : بجد والله
خطيبي : خلاص ان شاء الله بكره بعد المغرب هكون عندكم
انا : طيب على العموم انا مش هكون في البيت
خطيبي : مش في البيت ؟ ليه هتكوني فين؟
انا : هكون في البلكونة مستنياك
خطيبي : هههههههه وانا مش هتأخر
انا : ان شاء الله تيجي بالسلامه
خطيبي : الله يسلمك
انا : يلا مش عايز حاجة
خطيبي : عايز نتجوز بقى
انا : ههههههههه خلاص هانت
خطيبي : ربنا يسهل
انا : لا إله إلا الله
خطيبي : محمد رسول الله
كنت طايرة من الفرح خلاص هكتب الكتاب
والحدود إلي كانت بيني وبين خطيبي هتروح ، وهنخرج ونطلع براحتنا
مش جالي نوم الليلة دي لحد الفجر وكعادتي ارن على خطيبي علشان يصحى ويصلي الفجر
صليت الفجر ونمت على طووووووووووول
وما روحتش المدرسة يومها قلت مرة من نفسي أخد اجازة
بعت رسالة لخطيبي علشان ميقلقش عليا
وبسرعة جدا عدى الوقت وجاء موعد زيارة خطيبي لنا
تررررررررررن
وجاء خطيبي للإتفاق مع بابا
واتفقوا على ان تكون القايمة بـ 48 ألف جنية والمؤخر بـ 15 ألف جنيه
القايمه دي بنكتب فيها كل حاجة انا اشترتها بالإضافة إلى حاجات العريس
المؤخر بقى لا قدر الله بيتدفع للزوجه لما يحصل الطلاق
بعد الشر عليا وعلى كل البنات
واتفقوا كمان على كتب الكتاب يكون بعد اسبوع لأن بابا كان مشغول شوي
راح خطيبي للمأذون علشان يتفق معاه يجي عندنا البيت
ودفع له الفلوس
اتصل بيا خطيبي
خطيبي : سلام عليكم
انا : وعليكم السلام ورحمة الله وبركاته
خطيبي : ازيك يا حبيبتي
انا : الحمد لله ، عملت ايه مع المأذون
خطيبي : خلاص اتفقت معاه هيجي البيت عندكوا بعد المغرب
انا : طيب كويس
خطيبي : بس حضري صور شخصية ليكي وصورة البطاقة الشخصية وشهادة الميلاد
انا : كل ده ليه هو انا هقدم في وظيفة
خطيبي : يا حبيبتي كله علشان يجمعنا سوا
انا : اوك، ان شاء الله هحضر الحاجات دي
خطيبي : على فكرة
انا : نعم
خطيبي : هتطلعي تمضي على ورق كتير فاعملي حسابك يا حبيبتي تكوني لابسه الحجاب
انا : حاضر
خطيبي : مش عايزه حاجة
انا : ربنا يخليك
خطيبي : لا إله إلا الله
انا : محمد رسول الله
وقفلت معاه وبعدها روحت اتصور علشان مش عندي صور كويسه
وعزمت صديقتي نور بس لأنها هتكون عائلية
وبدأت احضر نفسي ليوم كتب الكتاب
حضرت طقمين
طقم اخرج بيه للمأذون علشان امضي على المحضر هههههههه اقصد كتب الكتاب
وطقم بقى اقعد بيه بدون حجاب
وماما واخواتي جهزوا الاكل
لأن العريس وأهله هيجوا يكتبوا الكتاب وبعدين يتعشووا
يوم كتب الكتاب
بعد العصر عملت ماسك وبعدين لبست الطقم الحشمه هههههههه
واطمنت على الاكل انه كله تمام
وبسرعة جدا مر الوقت ورن جرس الباب
وجم اهل خطيبي
حماتي واخته وخاله وخالته وبنتها
طلعت سلمت عليهم وقعدت جنب خطيبي
وانا مش مصدقه انه كلها دقايق ويكون زوجي
وجه المأذون
دخل الصاله وانا دخلت في السفرة مع الحريم ( ماما واخواتي وحماتي وخالته واخته )
قعد المأذون يقول خطبة بسيطة عن الزواج
وبعدها بابا مسك ايد خطيبي اقصد زوجي بقى
وقال المأذون لبابا : قل زوجتك ابنتي وداد البكر الرشيد ....... مش حافظة بصراحة الباقي
بابا : قال ورا المأذون
وبعدين قال المأذون لزوجي : قول قبلت زواج ........
وبعد ما خلصوا بابا جه نادا عليا علشان امضي
دخلت ولأول مرة اسلم على زوجي ولمست يده وحسيت اني دايخه جدا
خطيبي : مبروك يا حبيبتي
انا : الله يبارك فيك
المأذون : اتفضلي يا آنسه امضي هنا
انا : حاضر
المأذون : وهنا ، وهنا ، وهنا
قعدت امضي لحد ما ايدي ورمت
وبعدين زوجي كان بيمضي في نفس المكان إلي بمضي فيه
واخد مني الصور الشخصية وباقي الورق
قال المأذون : ان شاء الله عقد الزواج هيطلع بعد اسبوع
وخرج المأذون وخرجت انا كمان بس روحت على غرفتي غيرت لبسي
ولبست بقى لبس بدون حجاب
وطلعت ولأول مرة زوجي يشوفني كده
فضل واقف قدامي وباصص ليا وبس
حماتي جات باستني وباركت لي
وطبعا خاله كان مع بابا واخويا في مكان تاني علشان مش ينفع يشوفني كده
شغلوا الاناشيد وقعدوا يصقفوا
اخته شدتني علشان ارقص
اخته : يلا يا وداد تعالى ارقصي
بصيت لزوجي فهمني على طول اني بقوله ارقص ولا لأ؟
زوجي : ارقصي يا حبيبتي
طبعا كنت مكسوفه جدا ومش عارفه اعمل حاجة غير اني وقفت وصقفت فقامت حماتي تشد ابنها
حماتي : روح ارقص مع مراتك
وفجأة لقيته قصادي مسك ايدي واخته قعدت ترقصنا احنا الاتنين
والكل بقى يصقف
وانا مكسوفه جدا بعد ما كنا بنتكلم من بعيد دلوقتي ماسك ايدي
احساس غريب جدا
وبعد شويه كتير
قفلنا الاناشيد وروحت انا وزوجي ولأول مرة برضوا على الصالون لوحدنا
خلاص بقى زوجي
زوجي : حبيبتي انا مش مصدق ، خلاص انتي ليا
انا : يا حبيبي ( خرجت مني بعفويه جدا روحت بسرعة قلت ) اقصد انا كمان مش مصدقه
زوجي : ايه انتي قلتي ايه؟
انا : انا ما قلتش حاجة انت اكيد بيتهيئلك
زوجي : لا علشان خاطري قوليها تاني ، انتي قلتي يا حبيبي
انا : انا ، لالالالالا ، انت سمعت غلط
زوجي : يا حبيبتي احنا بقينا روح واحده وقلب واحد ، عايز اسمعها منك كمان مره علشان خاطري
انا : يا حبيبي
زوجي : عيون حبيبي ، انا مش مصدق اننا كتبنا الكتاب وقاعدين لوحدنا كمان
ماما نادت عليا : يا وداد تعالى خدي الأكل علشان تتعشي انتي وخطيبك مع بعض
زوجي : خلاص بقى يا حماتي بقيت جوزها
ماما : معلشي يا بني ، يلا علشان جوزك يتعشى
وجبت الاكل وكانت نفسي مفتوحة على الآخر ، هو كمان قال كده
واكلنا لوحدنا وسهرنا لحد الساعة 2 بالليل وبعدها قاموا اهله واستأذنوا وهو كمان استأذن
ومشيوا كلهم بس فضلت انا وزوجي حبيبي نكمل كلمنا في التليفون لحد الفجر
اهههههههههههه عايزة انام
كفايه كده النهاردة وتابعوا معي باقي الاجزاء
وإلى اللقاء مع الجزء 11 ( العفش )
( مستلزمات العروس )
ومرت الايام وكان لازم اشوف شقتي علشان اقدر اشتري حاجات تناسبها
حماتي عزمتنا على الغدا يوم الجمعة وطبعا شقتي فوقها
روحنا العزومه واتغدينا
وبعدين خطيبي وحماتي اخدونا نتفرج على شقتي
عجبتني جدا ما شاء الله حلوة
وبعدها بدأت اجهز نفسي
فكل فترة انزل انا واخواتي نشتري حاجات للجهاز بتاعي
روحت اختار المطبخ
وطلبت يكون الوميتال
وبعدين بدأت اخلص باقي الحاجات زي:
حاجات النيش
حاجات المطبخ
المفروشات
السجاجيد
الاجهزة الكهربائية
خلال هذه الفترة كان خطيبي بيجي عندنا كل خميس
وفي هذه الفترة عرفته اكتر وفهمته اكتر ومرة من مرات
خطيبي : بقولك ايه احنا عايزين نكتب الكتاب
انا : ايه ده فجأة كده
خطيبي : ولا فجأة ولا حاجة بس علشان نقدر نخرج وندخل براحتنا ، انتي إيه رايك؟
انا : الصراحة معرفش ، انا أتفاجأت من الحكاية دي
خطيبي : بصي يا حبيبتي انا اديت لوالدك اتفاق انه سنة ونتجوز واحنا بقالنا 4 شهور مخطوبين وانا محتاجك الفترة الجاية
انا : طيب ما انا معاك اهو
خطيبي : انتي كل حياتي ، بس انا اقصد نخرج براحتنا ، ننقي العفش براحتنا مش في اوضه نوم وسفرة وكل ده مش عايز ذوقك الجميل معايا
انا : آه صحيح ، دا الحاجات دي كلها مينفعش نخرج لوحدنا فيها واحنا مخطوبين
خطيبي : طيب ما دا انا إلي بقوله نكتب الكتاب وفي اي وقت نروح ننقي حاجتنا ، قلتي ايه؟
انا : انا موافقه طبعا بس معرفش رأي بابا إيه ؟
خطيبي : طيب هسيبك تمهدي لوالدك وبعدين انا هكلمه
انا : طيب ما تكلمه انت على طول
خطيبي : مفيش مشاكل بس انا عايزك تعرفي رأيه ايه الاول كتمهيد يعني
انا : ربنا يسهل
خطيبي : يلا بقى خلينا نخرج مع بعض دا انا من اول ما خطبتك مخرجناش غير مرة واحده وكانت بالخناقه
انا : هههههههههه
خطيبي : يلا انا همشي بقى علشان أتأخرت
انا : بسرعة كده
خطيبي : اعمل ايه الوقت معاكِ بيعدي بسرعة لو عليا مش عايز امشي
انا : طيب خلاص خليك قاعد
خطيبي : معلشي بقى علشان بباكي ومامتك ميتضيقوش ، يلا مش عايزة حاجة
انا : آه عايزة
خطيبي : اؤمري
انا : خد بالك من نفسك
خطيبي : وانتي كمان خدي بالك من نفسك
انا : حاضر
خطيبي : لا إله إلا الله
انا : محمد رسول الله
ووصلته لحد باب البيت وبعدها روحت بسرعة فرحانه لبابا وماما واخواتي
انا : بابا خطيبي عايز يكتب الكتاب
بابا : تكتبوا الكتاب !وهو مكلمنيش ليه؟
انا : هو قال اشوف رأيك الاول وبعدين هيكلمك
بابا : ايوة بس في حاجات لازم نتفق عليها الاول
انا : زي ايه يا بابا؟
بابا : لازم نتفق على القايمه ( قائمة العفش ) والمؤخر
انا : خلاص يا بابا لما يجي اتفق معاه على كل حاجة
بابا : ماشي يا بنتي مفيش مشاكل ، خليه يجي ونتفق
انا : يجي دلوقتي ؟
لولو : دلوقتي ايه يا مجنونه الساعة واحده بليل
انا : خلاص خليها بكره ، ماشي يا بابا؟
بابا : ماشي يا وداد
مقدرتش استحمل لحد بكره علشان اقوله
قلت اديله رنه لو رن يبقى صاحي
انا : ترررررررررررن ( مش انا إلي بعمل كده دا الموبايل ههههههههه) وقفلت
مفيش رنه منه ، يا خسارة كان نفسي افرحه قبل ما ينام
وبعد شويه
خطيبي : تررررررررررررررررن
بيرن بيرن الحمد لله ، فتحت عليه بسرعة
انا : سلام عليكم
خطيبي: وعليكم السلام
انا: ازيك
خطيبي: الحمد لله ، ازيك انتِ
انا: الحمد لله ،انت كنت نايم ولا إيه؟
خطيبي : لا يا حبيبتي انا صاحي
انا : طيب بقولك ايه بابا عايزك بكره
خطيبي : بجد
انا : بجد والله
خطيبي : خلاص ان شاء الله بكره بعد المغرب هكون عندكم
انا : طيب على العموم انا مش هكون في البيت
خطيبي : مش في البيت ؟ ليه هتكوني فين؟
انا : هكون في البلكونة مستنياك
خطيبي : هههههههه وانا مش هتأخر
انا : ان شاء الله تيجي بالسلامه
خطيبي : الله يسلمك
انا : يلا مش عايز حاجة
خطيبي : عايز نتجوز بقى
انا : ههههههههه خلاص هانت
خطيبي : ربنا يسهل
انا : لا إله إلا الله
خطيبي : محمد رسول الله
كنت طايرة من الفرح خلاص هكتب الكتاب
والحدود إلي كانت بيني وبين خطيبي هتروح ، وهنخرج ونطلع براحتنا
مش جالي نوم الليلة دي لحد الفجر وكعادتي ارن على خطيبي علشان يصحى ويصلي الفجر
صليت الفجر ونمت على طووووووووووول
وما روحتش المدرسة يومها قلت مرة من نفسي أخد اجازة
بعت رسالة لخطيبي علشان ميقلقش عليا
وبسرعة جدا عدى الوقت وجاء موعد زيارة خطيبي لنا
تررررررررررن
وجاء خطيبي للإتفاق مع بابا
واتفقوا على ان تكون القايمة بـ 48 ألف جنية والمؤخر بـ 15 ألف جنيه
القايمه دي بنكتب فيها كل حاجة انا اشترتها بالإضافة إلى حاجات العريس
المؤخر بقى لا قدر الله بيتدفع للزوجه لما يحصل الطلاق
بعد الشر عليا وعلى كل البنات
واتفقوا كمان على كتب الكتاب يكون بعد اسبوع لأن بابا كان مشغول شوي
راح خطيبي للمأذون علشان يتفق معاه يجي عندنا البيت
ودفع له الفلوس
اتصل بيا خطيبي
خطيبي : سلام عليكم
انا : وعليكم السلام ورحمة الله وبركاته
خطيبي : ازيك يا حبيبتي
انا : الحمد لله ، عملت ايه مع المأذون
خطيبي : خلاص اتفقت معاه هيجي البيت عندكوا بعد المغرب
انا : طيب كويس
خطيبي : بس حضري صور شخصية ليكي وصورة البطاقة الشخصية وشهادة الميلاد
انا : كل ده ليه هو انا هقدم في وظيفة
خطيبي : يا حبيبتي كله علشان يجمعنا سوا
انا : اوك، ان شاء الله هحضر الحاجات دي
خطيبي : على فكرة
انا : نعم
خطيبي : هتطلعي تمضي على ورق كتير فاعملي حسابك يا حبيبتي تكوني لابسه الحجاب
انا : حاضر
خطيبي : مش عايزه حاجة
انا : ربنا يخليك
خطيبي : لا إله إلا الله
انا : محمد رسول الله
وقفلت معاه وبعدها روحت اتصور علشان مش عندي صور كويسه
وعزمت صديقتي نور بس لأنها هتكون عائلية
وبدأت احضر نفسي ليوم كتب الكتاب
حضرت طقمين
طقم اخرج بيه للمأذون علشان امضي على المحضر هههههههه اقصد كتب الكتاب
وطقم بقى اقعد بيه بدون حجاب
وماما واخواتي جهزوا الاكل
لأن العريس وأهله هيجوا يكتبوا الكتاب وبعدين يتعشووا
يوم كتب الكتاب
بعد العصر عملت ماسك وبعدين لبست الطقم الحشمه هههههههه
واطمنت على الاكل انه كله تمام
وبسرعة جدا مر الوقت ورن جرس الباب
وجم اهل خطيبي
حماتي واخته وخاله وخالته وبنتها
طلعت سلمت عليهم وقعدت جنب خطيبي
وانا مش مصدقه انه كلها دقايق ويكون زوجي
وجه المأذون
دخل الصاله وانا دخلت في السفرة مع الحريم ( ماما واخواتي وحماتي وخالته واخته )
قعد المأذون يقول خطبة بسيطة عن الزواج
وبعدها بابا مسك ايد خطيبي اقصد زوجي بقى
وقال المأذون لبابا : قل زوجتك ابنتي وداد البكر الرشيد ....... مش حافظة بصراحة الباقي
بابا : قال ورا المأذون
وبعدين قال المأذون لزوجي : قول قبلت زواج ........
وبعد ما خلصوا بابا جه نادا عليا علشان امضي
دخلت ولأول مرة اسلم على زوجي ولمست يده وحسيت اني دايخه جدا
خطيبي : مبروك يا حبيبتي
انا : الله يبارك فيك
المأذون : اتفضلي يا آنسه امضي هنا
انا : حاضر
المأذون : وهنا ، وهنا ، وهنا
قعدت امضي لحد ما ايدي ورمت
وبعدين زوجي كان بيمضي في نفس المكان إلي بمضي فيه
واخد مني الصور الشخصية وباقي الورق
قال المأذون : ان شاء الله عقد الزواج هيطلع بعد اسبوع
وخرج المأذون وخرجت انا كمان بس روحت على غرفتي غيرت لبسي
ولبست بقى لبس بدون حجاب
وطلعت ولأول مرة زوجي يشوفني كده
فضل واقف قدامي وباصص ليا وبس
حماتي جات باستني وباركت لي
وطبعا خاله كان مع بابا واخويا في مكان تاني علشان مش ينفع يشوفني كده
شغلوا الاناشيد وقعدوا يصقفوا
اخته شدتني علشان ارقص
اخته : يلا يا وداد تعالى ارقصي
بصيت لزوجي فهمني على طول اني بقوله ارقص ولا لأ؟
زوجي : ارقصي يا حبيبتي
طبعا كنت مكسوفه جدا ومش عارفه اعمل حاجة غير اني وقفت وصقفت فقامت حماتي تشد ابنها
حماتي : روح ارقص مع مراتك
وفجأة لقيته قصادي مسك ايدي واخته قعدت ترقصنا احنا الاتنين
والكل بقى يصقف
وانا مكسوفه جدا بعد ما كنا بنتكلم من بعيد دلوقتي ماسك ايدي
احساس غريب جدا
وبعد شويه كتير
قفلنا الاناشيد وروحت انا وزوجي ولأول مرة برضوا على الصالون لوحدنا
خلاص بقى زوجي
زوجي : حبيبتي انا مش مصدق ، خلاص انتي ليا
انا : يا حبيبي ( خرجت مني بعفويه جدا روحت بسرعة قلت ) اقصد انا كمان مش مصدقه
زوجي : ايه انتي قلتي ايه؟
انا : انا ما قلتش حاجة انت اكيد بيتهيئلك
زوجي : لا علشان خاطري قوليها تاني ، انتي قلتي يا حبيبي
انا : انا ، لالالالالا ، انت سمعت غلط
زوجي : يا حبيبتي احنا بقينا روح واحده وقلب واحد ، عايز اسمعها منك كمان مره علشان خاطري
انا : يا حبيبي
زوجي : عيون حبيبي ، انا مش مصدق اننا كتبنا الكتاب وقاعدين لوحدنا كمان
ماما نادت عليا : يا وداد تعالى خدي الأكل علشان تتعشي انتي وخطيبك مع بعض
زوجي : خلاص بقى يا حماتي بقيت جوزها
ماما : معلشي يا بني ، يلا علشان جوزك يتعشى
وجبت الاكل وكانت نفسي مفتوحة على الآخر ، هو كمان قال كده
واكلنا لوحدنا وسهرنا لحد الساعة 2 بالليل وبعدها قاموا اهله واستأذنوا وهو كمان استأذن
ومشيوا كلهم بس فضلت انا وزوجي حبيبي نكمل كلمنا في التليفون لحد الفجر
اهههههههههههه عايزة انام
كفايه كده النهاردة وتابعوا معي باقي الاجزاء
وإلى اللقاء مع الجزء 11 ( العفش )
