السلام عليكم ورحمة الله وبركاته
الجزء الثامن ( الشبكة )
ذهبنا لنشتري الشبكة
وطبعا رحنا عند الراجل إلى دايما نتعامل معاه ، دخلنا المحل
خطيبي : السلام عليكم
صاحب المحل : وعليكم السلام ورحمة الله وبركاته ، اهلا وسهلا
خطيبي : عايزين نشوف اطقم كوليه
صاحب المحل: حاضر ، ثواني
وجاب لنا مجموعة من الاطقم
الصراحة مفيش حاجة عجبتني
فقلت لخطيبي : انا مش عايز اطقم انا هجيب حاجة تانية
خطيبي : براحتك يا حبيبتي اختاري إللي انتي عايزاه
فقلت لصاحب المحل : لو سمحت ممكن توريني مجموعة سلاسل
ولأول مرة تجيني الجرأة وأتكلم في وجود رجاله
بس اعمل ايه بقي شبكتي ولازم اختارها بكل دقه
صحيح ان الشبكة هي اول حاجة بتتباع مع اول ازمة في الفلوس بعد الزواج هههههه
بس برضوا لازم تكون حاجة حلوة وكويسه
جاب صاحب المحل مجموعة من السلاسل
الجزء الثامن ( الشبكة )
ذهبنا لنشتري الشبكة
وطبعا رحنا عند الراجل إلى دايما نتعامل معاه ، دخلنا المحل
خطيبي : السلام عليكم
صاحب المحل : وعليكم السلام ورحمة الله وبركاته ، اهلا وسهلا
خطيبي : عايزين نشوف اطقم كوليه
صاحب المحل: حاضر ، ثواني
وجاب لنا مجموعة من الاطقم
الصراحة مفيش حاجة عجبتني
فقلت لخطيبي : انا مش عايز اطقم انا هجيب حاجة تانية
خطيبي : براحتك يا حبيبتي اختاري إللي انتي عايزاه
فقلت لصاحب المحل : لو سمحت ممكن توريني مجموعة سلاسل
ولأول مرة تجيني الجرأة وأتكلم في وجود رجاله
بس اعمل ايه بقي شبكتي ولازم اختارها بكل دقه
صحيح ان الشبكة هي اول حاجة بتتباع مع اول ازمة في الفلوس بعد الزواج هههههه
بس برضوا لازم تكون حاجة حلوة وكويسه
جاب صاحب المحل مجموعة من السلاسل
في نفس واحد قلت انا وخطيبي : دي حلوة
ضحكنا وقالت ماما : ربنا يحميكوا ، مين هيفتن عليكوا
لأنه من العادات الخرافيه ان إذا اتنين قالوا شئ في نفس الوقت يبقى في حد هيفتن عليهم
ضحكت من كلام ماما وقلت لها : لا يا ماما محدش هيفتن ولا حاجة دا توافق بينا
وفعلا اخترت السلسلة إلى عجبتني وعجبت خطيبي
وبعدين جاب لينا لوحة الخواتم
كنت محتارة جدا وقلت لخطيبي : ايه رايك في الخاتم ده
خطيبي : طيب شوفي ده كمان
انا : الله شكله حلو ، اوكي خلاص عايزه الاتنين
وبعدين عرض علينا مجموعة غوايش
انا : لا بلاش غوايش انا عايزة اسورة
خطيبي : خلاص ورينا الاساور إلى عندك
عرض علينا مجموعة من الاساور
حماتي قالت : ده حلو يا وداد
انا : بس ده شكله بسيط جدا ، طيب ايه رايك يا طنط بـ ده
حماتي : خلاص يا بنتي إلى يعجبك
حسيت ان حماتي زعلت ، بس انا مش عاجبني إلي اختارته طيب اعمل ايه
خطيبي : طيب ايه رايكم في ده
عجبني ولقيت حماتي كمان عجبها قلت كويس اختار حاجة عجبتنا احنا الاتنين
انا : شكلها حلو قوي ، صح يا طنط؟
حماتي : فعلا شكله حلو
انا : اوكي هاخدها
وبعدين عرض علينا صاحب المحل حلقان
وانا بقى مش ليا في الحلقان بس ماما قالت لي قبل كده هاتيه وخلاص مفيش عروسه بتشتري شبكة من غير حلقان
المهم اخترت الحلق ده
وبعدين تعالت الزغاريد في المحل وجابوا البيبسي في المحل ووزعوا علينا وشربنا البيبسي
وراح خطيبي يدفع الفلوس وصاحب المحل غلف الشبكة في علبة جميلة جدا
وبعدين خرجنا من المحل ورحنا كلنا للبيت مرة تانية
وبعدين اخواتي وماما حضروا العشا للضيوف
واتعشينا كلنا وبعدها استأذنوا
كنت ميته من التعب ، طول اليوم رايحه جايه لما تعبت
رحت جري على السرير وقبل ما اروح في النوم جات لي رسالة على موبايلي
بالعافيه لما مسكت الموبايل ووجدتها رسالة من خطيبي
" جمال الليل بنظرة عيونك
ونور البدر مرسوم بجفونك
وكل الكون مايسوى بدونك
بحبك
"
ابتسمت وأخدت الموبايل في حضني ولم ادري بنفسي إلا وأختى بتصحيني علشان اصلي الفجر
لقيت الموبايل لسه في ايدي ببص لقيت الرسالة لسه مفتوحه قفلتها ورحت صليت بس كنت عايزة ارد عليه برسالة بس اتكسفت جدا احنا لسه مخطوبين ومش ينفع ابعت له اي حاجة
بعد الفجر قعدت افكر واكتب الحاجات إلي المفروض اعملها طول الاسبوع
يوم السبت اروح اشوف فستان للشبكة وبعدها اروح للكوافيره اتفق معاها
يوم الاحد ادور على صندل او حذاء مناسب للفستان
وجاء يوم السبت ورحت ألف على محلات فساتين الافراح واخدت اختي فوفو معايا
بس مفيش حاجة عجبتني اضطريت اسافر لبلد مجاورة لبلدنا علشان اشتري الفستان
فاتصلت ببابا : بابا انا مش لاقيه حاجة هنا عجباني انا هسافر انا واختي اشوف فستان
بابا : طيب يا حبيبتي مش عايزة حاجة
انا : لا شكرا يا بابا
بابا : طيب لو عوزتي حاجة اتصلي بيا
انا : حاضر
وبعدين اتصلت بخطيبي علشان اقوله لأنه اتفق معايا مروحش في مكان إلا ولازم يكون عارف انا رايحه فين
انا : سلام عليكم
خطيبي : وعليكم السلام ، ازيك يا حبيبتي
انا : الله يسلمك ، انت عامل ايه؟
خطيبي : الحمد لله
انا : انا هسافر ادور على فستان للشبكة
خطيبي : ليه هو انتي ملقتيش حاجة كويسه هنا خالص
انا : لا والله مش لاقيه
خطيبي : طيب يا حبيبتي خدي بالك من نفسك
انا : حاضر
خطيبي : بقولك يا حبيبتي
انا : نعم
خطيبي : دوري على فستان بكم وبلاش يكون عريان ولا الحاجات دي
انا : حاضر ، انا فعلا بدور على كده
خطيبي : لما توصلي اديني رنه
انا : حاضر
خطيبي : لا إله إلا الله
انا : محمد رسول الله
وقفلت معاه ورصيدي اوشك على النفاذ طبعا شحنت وبعدين سافرت انا واختي واول ما وصلت اديت لخطيبي رنه زي ما اتفقنا
دخلت محل معروف انه بيجيب فساتين جميلة وشيك
وفعلا وجدت اكتر الفساتين جميلة جدا
بس انا اخترت ده
زي ما قال خطيبي بكم ومش عريان
جربته طلع مضبوط عليا تمام
واخترت اكسسوارات للفستان
واخترت جوانتي بسيط على الفستان
قالت لي صاحبة المحل: انتي اول واحده تلبس الفستان وان شاء الله هنكتبه باسمك
فرحت جدا اني اول واحده تلبسه
واتفقت مع صاحبة المحل اني هاجي اخد الفستان يوم الثلاثاء وهرجعه يوم الخميس
صاحبة المحل : اي تأخير هيكون فيه غرامه
انا : لا إن شاء الله مفيش تأخير
وخرجت من عندها
طبعا اليوم جري بسرعة ومقدرتش اروح للكوافيره
واليوم التالي رحت للكوافيره واتفقت معاها على اني اجيلها كل يوم اعمل ماسكات
وبعدين طلعت من عندها رحت اشتريت صندل يليق على الفستان
واخترت ده
وبعدين روحت البيت
ويوم الاتنين رحت اشوف القاعة
وتممت على كل حاجة بنفسي رغم ان بابا طمني وقال كل شئ متفقين عليه
بابا : يا بنتي انا اتفقت على الكوشة
واتفقت على صناديق البيبسي
والكراسي وكل حاجة
يعني كل حاجة تمام
انا : طيب يا بابا هروح بس اشوف المكان علشان يكون عندي خلفيه عن المكان
وكمان عايزة اشوف مكان الكوشة مضبوط ولا لأ
وفعلا روحت وتممت على كل حاجة واخترت مكان الكوشة
وفضلت كل يوم اروح للكوافيره اقعد عندها ساعتين تعملي ماسكات وحاجات للبشرة
وجاء يوم الثلاثاء رحت اجيب الفستان وبعدها رحت للكوافيره زي كل يوم
وبسرعة جدا جه يوم الاربعاء يوم الشبكة
طبعا كنت عند الكوافيره من بعد العصر
وسيبت اهلي وقرايبي بيعملوا في الاكل للغدا والعشا
كانوا بيعملوا صواني جلاش باللحمة المفرومة
وصواني مكرونة بالباشميل وفراخ ومحشي كرنب وكفته
ماما عملت لي وجبة سريعة كده مقدرتش اكلها من التوتر إلي عندي طول اليوم
رحت للكوافيره
واول ما رحت عند الكوافيره قالت لي : مبروك يا عروسة ، يلا لو عايزة تصلي او تاكلي أي حاجة قبل ما تعملي الماسك اعمليها
انا : الله يبارك فيكِ يا حبيبتي ، لا مفيش حاجة عايزة اعملها ابدأي على بركة الله
وضعت ماسك معرفش اسمه ايه
وقعدت فيه ساعة على ما اعتقد
وبعدين غسلته
تررررررررررررن
نغمة خطيبي بترن قلت اكيد بيرن بس
لقيته مطول فتحت
انا : سلام عليكم
خطيبي : وعليكم السلام ، ازيك يا حبيبتي
انا : الحمد لله
خطيبي : انا سمعت كده ان الجميل مأكلش النهاردة حاجة خالص
انا : والله مش ليا نفس ، طيب اعمل ايه يعني ، اكل غصب عني
خطيبي : ولا غصب عنك ولا حاجة يا حبيبتي ، بصي انا هطلب منك طلب
انا : متقوليش كلي
خطيبي : لأ ، خلي اختك تفتح باب الكوافيره وتيجي تاخد مني الاكل ده ، وتكلوا كلكوا
انا : ايه ده انت على الباب
خطيبي : ايوة يا حبيبتي
قلت لأختي تخرج لخطيبي بسرعة
خطيبي : كلي يا حبيبتي علشان مزعلش منك
انا : ربنا يخليك ليا ، انا مش عارفة اقولك ايه
خطيبي : تقولي حاضر وبس
انا : حاضر وبس
ههههههههههههههههههه
طبعا كان نفسي اطلع له بس كان شكلي يخوف من الماسك وبعدين كنت مسيبه شعري وشكلي فظيع
خرجت اختي واخذت منه الاكل
خطيبي : يلا يا حبيبتي مش عايزة حاجة
انا : عايزة سلامتك
خطيبي : رني عليا اول ما تخلصي
انا : ان شاء الله
خطيبي : لا إله إلا الله
انا : محمد رسول الله
طبعا الكوافيره بتصرخ : يا بنتي يلا مفيش وقت
انا : حاضر حاضر ، طيب ممكن أكل بسرعة
الكوافيره : طيب روحي ألبسي الفستان بعد ما تخلصي اكل
انا : حاضر
وروحت اكلت اكله بسيطة جدا
وبعدها لبست الفستان وقعدت على كرسي الاعدام اقصد كرسي المكياج
وبدأت في وضع المكياج
وكل شوية خطيبي يرن عليا واخلي اختى ترن عليه لأني مش عارفه اشوف حاجة لأن الكوافيره مخلياني زي ما كون بخلع سناني
ههههههههههه
وبعد ساعتين انتهيت من المكياج وكانت الساعة حوالي 8
بدأت تلبسني الطرحه
ربطتها جامد جدا زي ما يكون عندي صداع
وقعدت اعدل عليها
كل شويه اقولها : لالالالالا اعملي كذا ولا اقولك خليها كذا
والحمد لله طلعت الطرحه شكلها جميل عليا
وقبل ما انتهي من الطرحة كنت رنيت على خطيبي علشان يجي هو والعربيات تاخدني
وفعلا اول ما خلصت سمعت صوت العربيات بالخارج
بيب بيب بببيب بيب بيب ببيب
ودخلت اخت العريس سلمت عليا
قالت لي : مبروك يا حبيبتي ، ربنا يحميكِ زي القمر
وبعد كده دخل خطيبي ببدلته الشيك
نظر لي وقال : ايه القمر ده
كنت في غاية الكسوف وفضلت ابص للأرض لحد ما اقترب مني وقال : مبروك يا حبيبتي
كفاية كده انا طولت عليكوا
انتظروا ان شاء الله الجزء التاسع
( حفلة الشبكة )
