الفرحة في عيوني يا ناس ... فيها قصص وحكايات


حبيبي إللي كنت بتمناه...جاني وفـ إيده ثلاث وردات



وردة حمرا مكتوب عليها ... بحبك بكل اللغات


وردة صفرا أوراقها ... بترقص على أحلى النغمات


وردة بيضا بتسلم وبتقول ... لكِ مني كل التحيات


اخدت الوردات وجريت...وفي حضن حبيبي واترميت


اخدني ورحنا بعيد ... في مكان حبنا القديم


لقينا الناس كتير ... حوالينا ملتفين 


وبكل الحب بيهنونا ... وبالورود بيرمونا


ومن الحسود بيرقونا ... وبسرعة جوم ياخدونا


وعلى نغمات الحب زفونا ... لعش الحب وصلونا
abuiyad
18 Responses
  1. Unknown Says:

    فرحه جميله ربنا يديمها و أجمل ما فيها الوصول لعش الحب الجميل:)
    تحياتي لكي كلمات رقيقه


  2. وداد ..........
    ربنا يديم الفرحة عليكى* وتبقى دايما بين إيديكى
    ويبارك فى صحتك وفيكى* ويحرسك من كل حاسديكى


  3. tote soly Says:

    الله عليكي والفرحه مليه عنيكي
    وبترقص وتقول حب سعيد عليكي

    كلمات رقيقه ومن القلب
    مشكوره يا دودو


  4. مبدعة يا وداد وبتقولى انك مبتعرفيش تقولى شعر
    اهو دة احلى من اى شعر مشكورة يا وداد



  5. جميلة يا ودادي

    يسعد قلبك دايما و يجعل حياتك كلها فرح وسعادة


  6. وداد Says:

    شيرين سامي

    اشكرك حبيبتي على كلامك الجميل

    وربنا يديم على الكل الفرحة

    تشرفت بمرورك الجميل


  7. وداد Says:

    خالو فاروق

    ايه الجمال ده تاني تعليق

    دا انا فرحانه جدا بوجودك وتعليقك الجميل

    وكلامك الموسيقي الرائع

    لا تحرمنا من زيارتك الجميلة


  8. وداد Says:

    توتي

    الله عليكي انتي وكلامك الجميل

    اشكرك يا توتي على زيارتك وتعليقك المميز


  9. وداد Says:

    هبه فاروق

    هههههههه

    آه والله فعلا مش بعرف اكتب شعر

    دا مجرد احساس حسيته وكتبته

    اشكرك يا قمر على طلتك الجميلة

    وتعليقك المشجع


  10. وداد Says:

    سواح في ملك الله

    الله يبارك فيك

    بس دي مجرد احساس حسيته

    يعني خيال في خيال

    اشكرك على مرورك وزيارتك الأولى لمدونتي

    وان شاء الله ما تكون آخر مرة


  11. وداد Says:

    نور حبيبتي

    الأجمل والله وجودك بمدونتي

    اشكرك يا قمري على تعليقك الجميل

    وربنا يسعدنا كلنا


  12. الله كلمات جميله تتراقص احرفها بكل فرح


    جميله جدا يا دودو

    ربنا يسعدك يا حبيبتي


  13. ربنا يديم عليك فرحك ويسعدك كمان وكمان ويملى ايامك بالحب والغنا والضحك وتعيشي في احضان حبيبك طول اعمر
    تقبلي تحياتي


  14. وداد Says:

    دكتورة ولاء

    اشكرك على كلامك الرقيق جدا

    نورتي المدونة حبيبتي


  15. وداد Says:

    eng_semsem

    اشكرك على كلامك وتعليقك الجميل

    ولكن كما قلت في ردودي دي مجرد خيالات

    يعني مفيش حبيب ولا ورود

    تشرفت بمرورك وزيارتك


  16. الله حلوه اوي يا وداد
    تحسسك بالبهجه والسعاده وانتي بتقرأيها
    تسلم ايدك بجد


  17. وداد Says:

    من كل بستان زهرة

    الاحلى وجودك حبيبتي

    بجد تعليقك جميل وكتير شجعني

    يسلمو يا قمر على مرورك بمدونتي


إرسال تعليق

السلام عليكم ورحمة الله وبركاته

يسعدني مرورك ويزيدني شرفاً تعليقك