عايزة اتكلم بكل اللغات .... عايزة اسّمع كل البلاد
نفسي اقول إللي جوايا .... ويتحقق كل مُنايا
يا بلدي انتي سمعاني .... ولا انتي مش سمعاني
***********
كل يوم بنشوف ظلم .... وبنصحى على صرخة أم
بتنادي على ولدها الشهيد .... خالد سعيد ليه انت بعيد
عذبوك يا ولدي لحد الهلاك .... عملت ايه دا أنا إللي مربياك
قتلوك يا ابني على باب البيت .... وانت لا ليك ذنب ولا جنيت
**********
سمعتي يا بلدي إللي بقولوا .... ولا اقول كمان على إللي كان
ولادك يا بلدي قدام عيونك .... وانتي شيفاهم بيروحوا منك
كفاية يا بلدي دا انا لسه بحبك .... وعمري ما هحب حد غيرك
رووعه يا دودو كلماتك وحزينه جداً
مشكوره يا حبيبتي
على فكره في واجب تدويني ليكي
ادخلي على الرابط ده
http://walaasalah16.blogspot.com/2010/11/blog-post_28.html
جميله أوي يا وداد تسلم ايدك
كلمات معبرة يا دودو
وفعلا احنا مظلومين لكن ياترى مين يسمعنا
جميلة كلماتك مشكورة يا وداد
بلدنا مظلومه
احنا اللي ظلمناها
لما سبنا الزباله تملا وزارتها ومكاتبها
واخيرا شوارعها
السلام عليكم ورحمة الله
جزاك الله خيرا اختى الكريمة
كلمات صادفة ورقيقة
احساسك وصلنى بسهولة اشكرك حبيبتى
تحياتى لك
يا ودادي الحبيبة مصر مقهورة وفي الضلمة قاعده تبكي الهوان والحال اللي ولادها وصلوها له .والله مصر بريئة براءة الذئب من دم ابن يعقوب عليهما السلام
وداد حبيبتى........
جميلة أوى ومؤثرة ليه ياحبيبتى ماكملتيش القصيدة ودخلتى الشهيد أحم شعبان معاه اللى قتلوه قريب عشان تربطى بين خالد سعيد الشهيد اللى مات من شهور برضه ولحق بيه (أحمد شعبان الأسبوع الماضى ) بنفس جبابرة داخلية قسم (سيدى جابر) ربنا ينتقم منهم سلم قلمك يادودى.
خالو/ فارق
دكتورة ولاء
الأروع مرورك وتعليقك الجميل
اوك هعمل الواجب التدويني
شيرين حبيبتي
اشكرك على المتابعة وتعليقك الجميل
تسلمي يا قمر
هبه حبيبتي
للأسف احنا بقينا بنسمع نفسنا
ومفيش حد هيسمعنا حتى لو سمعونا مش هيعبرونا
اشكرك حبيبتي على تعليقك الجميل
شموسه
كلامك مضبوط فعلا
وان شاء الله تنظف بلدنا على ايد شبابها
ام هريرة
وعليكم السلام ورحمة الله وبركاته
جزانا الله وإياكِ حبيبتي
اشكرك جدا على تعليقك الجميل المشجع
تشرفت بمرورك الجميل
نور حبيبتي
كلامك فعلا مضبوط
مصر مظلومة واحنا مظلومين معاها والله
اشكرك حبيبتي على تعليقك الجميل
والذي انتظره دائما
خالو فاروق
انا كتبت عن خالد
وقلت :::
سمعتي يا بلدي إللي بقولوا .... ولا اقول كمان على إللي كان
لأني لو كتبت على كل إللي كان مش هيكفي تدوينة واحده
أشكرك يا خالو على كلامك الجميل
واكيد لو عدينا الظلم إللي بيحصل في البلد مش هنحصاه
السلام عليكم ورحمة الله وبركاته
=============
يللى بنيتوا الهرم من الاف السنين
وعايشين تفتخروا بالماضى القديم
تحت الهرم واقفين جمال وحمير
علشان تركبها الصبايا العريانين
د احنا فى زمن العلم يابشر
الهرم مهما كان
اساسه حجر
يظهر كتر اكلكم فى الفول
طلسم فيكم فكر العقول
ونسيتوا كل العلوم
والذكاء اصبح عمله نادره
والاذكاء فى البلد عاطلين
مش لاقيين عمل
مصر يا أم الدنيا ولادك فين
ابنك فى الغربه بيعمل اجير
ساب البلد والارض والطين
عايش فى غربته زى الحزين
قولولى ليه ساب البلد ؟
============
احترامى وتقديرى
دمتم بحفظ الله
رائعة بمعنى الكلمة
واحساسك رقيق
اسعدنى تواجدى هنا
ويسعدنى تشريفك لمدونتى
وابداءرأيك
مع تحياتى
رائعة جداااااا
يشرفنى تشريفكم لى
http://chat-life-dating.blogspot.com/