السلام عليكم ورحمة الله وبركاته


الواجب التدويني إللي الدكتورة ولاء دبستني فيه 


الواجب عباره عن سؤالين 

هل انا فضوليه وهل احب التدخل في شئون الاخرين ؟

ما هي الاسئله التي تستفزني ؟





نبدأ على بركة الله إجابة السؤال الأول
بسم الله الرحمن الرحيم 
الإجابة 
تونس

هههههههههههه

هل انا فضوليه وهل احب التدخل في شئون الاخرين ؟

انا فضولية جدا جدا

بس مش بتدخل في شئون الآخرين

اقولكم ازاي

يعني انا في شغلي مبحبش ابقى قاعدة والمدرسات 

عمالين يتكلموا على حاجة انا مش عارفها 

على طول لازم أسال هو في إيه؟

لحد ما اعرف اصل وفصل الحكاية

ولو في مشكلة حصلت في المدرسة وانا كنت غايبه مثلا

تاني يوم لازم اعرف ايه المشكلة وليه ومين السبب

هههههههههه

فضول فضول 

بس فعلا مش بحب اتدخل في الشئون الشخصية للناس

إللي بيحبني بيتكلم لوحده معاياوعن اي حاجة حتى لو شخصية

دا بالنسبة للسؤال الأول

ندخل بقى على السؤال الثاني

انا استعين بصديق واحذف إجابتين واتصل بالجمهور وكل حاجة

ههههههههههه
 ما هي الاسئله التي تستفزني ؟

الاجابة بقى

لما اكون بنام يسألوني انتي هتنامي ؟

لا هسافر

لما اشتري حاجة زي مثلا كيس مناديل 

وتقولي اللي واقفة في المحل عايزة واحد ؟؟

لا هاخد المحل كله

لما ادفع للسواق 50 قرش يقولي واحد يا أبلة ؟؟ 

( والأجرة اصلا بـ 50 قرش )

طيب ارد عليه وأقوله ايه ؟؟؟

لا العربية كلها عزماها هههههههه
ياريت ما اكون ضيفة تقيلة عليكم


بمرر الواجب ده إلى 




abuiyad
26 Responses
  1. أزال المؤلف هذا التعليق.

  2. السلام عليكم ورحمة الله

    اللى اكتشفته اليوم مش انت بتحبى ايه من الاسئلة وبتكرهى ايه

    انا اكتشفت خفة دمك ههههه
    واضح ان كلك حيوية وخفة ظل

    جزاك الله خيرا اختى الحبيبة على الابتسامة اللى رسمتيها على وجوههنا هنا
    بارك الله فيك
    ونسأل الله لى ولك حسن الخلقة والخلق
    دمت بخير حبيبتى


  3. هههههههههههههههه أضحك الله سنك يا ودادي

    أنا جاوبت التاج داه من كام يوم ياريت تروحي تقريه يا قمر


  4. Unknown Says:

    دمك خفيف بجد و صريحه جداً كمان
    بالنسبه للواجب عُلم و يُنفذ يا فندم


  5. وداد .........حرام عليكى ليه دبستينى فى الواجب ده
    عموما حاحل الواجب عندى بمدونتى عصفور الجنة
    وسأمرره لأربعة أشخاص وربنا يسهل فى الإجابة


  6. دمك شربات يا قمر يا دودو
    وصلنى الواجب حلوة التدبيسة دى على العموم
    طلباتك اوامر يا قمر بس اسمحيلى حدمج كرسى
    الاعتراف مع السؤالين فى بوست واحد معلش اصل
    الواجبات عندى كترت ...صباحك سكر


  7. وداد Says:

    ام هريرة

    وعليكم السلام ورحمة الله وبركاته

    ربنا يكرمك يارب

    اشكرك على تعليقك الجميل

    جزانا الله وإياكِ حبيبتي

    تسلمي على مرورك العطر


  8. وداد Says:

    ماما نور

    اوكي يا قمر

    هشوفه حالا

    اشكرك على مرورك وتعليقك الجميل


  9. وداد Says:

    شيرين حبيبتي

    اشكرك حبيبتي على كلامك الجميل

    من بعض ما عندكم

    بإنتظار تنفيذ الحكم


  10. وداد Says:

    خالو فاروق

    ازيك يا ابن النيل

    يلا بسرعة على مدونتك اعمل الواجب

    تشرفت بمرورك العطر


  11. وداد Says:

    هبه فاروق

    ازيك يا قمري

    من بعض ما عندكم يا هوبه

    يلا معلشي اتدبستي مرتين في نفس الوقت

    مستنينك في بوست جديد

    صباح السكر يا هوبه


  12. :)))
    اجاباتك لطيفه
    ضحكتيني

    وفكرتيني لما بنتي تلاقيني نايمه وده نادرا فا تقول لي بصوت عالي ماما انتي نايمه

    اصحي واقول لها لا كنت نايمه دلوقتي صاحيه

    :))))


  13. عسل والله يا دودو

    بس انتي مش فضوليه اوي يا دودو دا انتي عسولتنا والله

    اما بالنسبه للاسئله اللي بتستفزك فأكيد فعلا اسئله ترفع الضغط عندك حق

    مشكوره يا دودو على صراحتك الجميله


  14. وداد Says:

    شمس النهار

    هههههه

    ربنا يخليها لك يا شموسه

    اشكرك حبيبتي على تعليقك الجميل


  15. وداد Says:

    دكتورة ولاء

    اشكرك يا لولو على تعليقك الجميل

    انابس مش بحب اكون زي الاطرش في الزفة

    بحب اعرف الاحداث إللي حواليا لا اكتر ولا اقل

    تشرفت بمرورك


  16. دودو انا عملت الواجب التدوينى اللى علية
    فى انتظارك يا قمر


  17. وداد Says:

    شطورة يا هوبه

    وانا رديت عليكي بالبوست بتاعك

    ميرسي يا قمر


  18. وداد Says:

    صحيح يا هوبه

    اختاري حد يعمل الواجب التدويني

    وكمان حد على كرسي الاعتراف


  19. وداد الجميله دمك زى السكر
    انا مش عارفه ليه مش بيوصلنى جديدك
    وحشتيني ياقمر
    حلوة اوى
    لا هسافر
    ههههه
    كوني بالف خير ياعمرى


  20. وداد Says:

    حبيبتي اسماء

    ازيك يا قمر

    وانا اقول البوست ده منور كده ليه

    اتاري سمسمه فيه

    اشكرك حبيبتي على تعليقك الجميل

    انتي إللي زي السكر

    حبيبتي اشتركي في القائمة البريدية عندي

    هيوصلك كل جديد


  21. tote soly Says:

    إجابات جميلة وطبيعية بنكهة التفاح اللى زي خدودك
    وشكراً على التتدبيسه أنا عرفه اني اتأخرت في الرد بس إنتي عارفه طبعاً السبب إن أنس كان تعبان
    وكنت مششغوله معاه
    أروح أجاوب بقه قبل ما يصحى


  22. غير معرف
    Says:

    شكرا على البوست


  23. وداد Says:

    توتي

    مرورك الاجمل يا توتي

    ربنا يكمل شفا انس على خير ويطمنا عليه

    اشكرك حبيبتي على تعليقك الجميل

    شوفت الواجب بتاعك

    برافوووو


  24. وداد Says:

    يوميات شحات

    شكرا على مرورك بالمدونة



  25. وداد Says:

    دكتورة هند

    اسعدكي الله في الدارين

    اشكرك على مرورك وتعليقك


إرسال تعليق

السلام عليكم ورحمة الله وبركاته

يسعدني مرورك ويزيدني شرفاً تعليقك